Solway Tide
- Details
- Published on Friday, 01 March 2013 18:29
- Written by Maggi Kaye
- Hits: 4647
Solway Tide
An unco sough i’ the gloamin’
An’ a flaff o’ risin’ win’,
A glisk o stoundin’ waters
By the weirdly licht o’ the mune,
An the fell dark tide o’ Solway
Comes breengin’, whummlin’ in.
Whaur glistenin’ san’s lay streikit
Ablow the sunset sky
Noo a wan wide sea is reestin’
An’ the yammerin’ sea birds cry,
An’ a wheengin’ win’ rings eerily
I’ the salmon nets ootby.
D.M.P. ©